Balliu shkëlqen me Rayo Vallecanon, në formacionin e javës me lojtarin e Realit dhe Griezmann 16/04 21:09
Mbrëmjen e kësaj të enjteje në orën 19:00, në “Elbasan Arena”, nënkampionët e Shqipërisë të Kukësit do të zhvillojnë ndeshjen e kthimit kundër skuadrës gjeorgjiane të Torpedos së Kutaisit.
Në takimin e parë në Tbilis, skuadra e drejtuar nga Armando Cungu u mund me shifrat 5-2, megjithatë trajneri shkodran beson se ka ende mundësi për të fituar këtë ndeshje të sotme.
“Mund të përmbysim çdo rezultat. Kundërshtari ka gjithashtu dobësitë e veta dhe mundësitë janë reale për ta goditur edhe këtë rival. Kështu që natyrshëm na lind e drejta legjitime që ta provojmë përmbysjen. Për këtë nuk është kurrë vonë, e njëkohësisht nuk mund të na ndalë askush ta tentojmë. Shpresojmë, pse jo ta bëjmë këtë mrekulli”, tha Armando Cungu, trajner i Kukësit.
Ndeshja e mbrëmjes është e vlefshme për raundin e tretë të Europa League, e do të jetë mundësia e fundit për Kukësin për të vazhduar aventurën në Europë, përndryshe edhe verilindorët do të mendojnë për javën e parë të kampionatit, që do të fillojë këtë fundjavë, ku për ta kundërshtari i parë do të jetë Laçi.
Top Channel
