Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Për djemtë e bllokuar prej dy javësh në një shpellë në Tajlandë ka mbërritur “Dita D”. Sot po tentohet shpëtimi i tyre. Deri tani është mundur që të nxirren të 4 prej tyre.
Misioni është ndalur për të paktën 10 orë sa të furnizohen bombolat me oksigjen.
Misioni nuk është pa rrezik. Jo më larg se përpara dy ditësh, një nga zhytësit e përfshirë në tentativat për të nxjerrë 12 pjesëtarët e mitur të një ekipi futbolli dhe trajnerin e tyre, nga guva ku kanë ngecur prej përmbytjeve në zonë, ndërroi jetë ndërsa po notonte për t’i dërguar grupit rezerva oksigjeni.
Ai, siç u shpjegua më vonë nga autoritetet, nuk pati kohë mjaftueshëm të kthehej mbrapsht.
Situata ndërkohë është emergjente, sepse niveli i oksigjenit në guvë ka rënë në 15%, kur zakonisht është diku te 21 përqindëshi.
Fëmijët dhe i rrituri që i shoqëronte po eksploronin shpellën në kohë të thatë, e normalisht ky do të kishte qenë një ekskursion i zakonshëm për ta, nëse nuk do të ishin vërshimet e papritura të ujërave.
Ekspertët megjithatë mendojnë se fëmijët janë të përgatitur tashmë fizikisht dhe mendërisht për të provuar daljen prej andej. 18 zhytës janë angazhuar t’i ndihmojnë. Familjarët e fëmijëve kanë rënë dakord që të gjithë, që të tentohet nxjerrja e tyre.
Tani konsiderohet momenti i duhur, për shkak se me fillimin e sezonit të shirave, përmbytjet mund të përkeqësohen edhe më shumë, duke e bërë pastaj vërtet të pamundur shpëtimin e tyre. “Nuk ka ditë më të përshtatshme sesa kjo, përndryshe do ta humbasim rastin”, thonë autoritetet që po përpiqen të garantojnë se nuk ka vend për panik.
Top Channel
