Pompeo: Denuklearizimi i Koresë së Veriut, mbyllet brenda 2020-ës

14/06/2018 01:17

Kur kanë kaluar vetëm disa orë nga takimi i pazakontë mes presidentit amerikan Donald Trump dhe liderit koreano-verior Kim Jong-un, një tjetër diskutim i rëndësishëm ka nisur tashmë.

Marrëveshja e arritur mes dy liderëve është kritikuar nga analistët, pasi nuk janë përcaktuar afate dhe detaje, që lidhen me periudhën e denuklearizimit dhe mënyrën e verifikimit.

Gjithsesi sekretari amerikan i Shtetit, Mike Pompeo nuk i cilësoi shqetësuese këto detaje dhe dha afatet paraprake të arritjes së denuklearizimit.

Nga Koreja e Jugut, në një konferencë shtypi, Pompeu theksoi se procesi i çarmatosjes dhe denuklearizimit synohet të arrihet brenda vitit 2020, pra për një periudhë prej rreth 30 muajsh.

Ai tha gjithashtu se Kim Jong-un ishte i qartë tashmë mbi nevojën për të verifikuar hap pas hapi, se si po ecën ky proces, që pritet të fillojë nga dita në ditë.

Top Channel