Nga kombëtarja në klube, trajnerët që dështuan

13/06/2018 12:41

Real Madrid njoftoi 24 orë më parë se kishte arritur marrëveshjen me trajnerin Lopetegui, nuk vonoi reagimi i federatës spanjolle që e shkarkoi trajnerin, vetëm një ditë para startit të Botërorit, që pritet të jetë ndër më të vështirët për Spanjën.

Julen Lopetegui do të marrë vendin e lënë bosh nga Zinedine Zidane në përfundim të finaleve të Kupës së Botës. Nga ekipi kombëtar në një klub. Një manovër që gjithnjë ka rezervuar shumë supriza. Dhe historia e futbollit ka shumë emra të njohur trajnerësh, që pasi kanë arritur suksese me ekipet kombëtare, kanë dështuar në momentin që janë kthyer në drejtimin e një klubi.

Mes tyre është edhe trajneri që udhëhoqi Shqipërinë drejt finaleve të Euro 2016, Gianni de Biasi, që nuk pati sukses, kur në janarin e këtij viti u ul në pankinën e Alaves në Spanjë.

FOTO GALERI

1/5

Felipao Scolari – Udhëhoqi Brazilinin në fitimin e titullit kampion bote në vitin 2002 dhe për 6 vjet u ul në pankinën e Portugalisë(ku humbi finalen e Europianit me Greqinë). Pas këtyre eksperiencave, Filipao shkoi te Chelsea, ku nuk qëndroi më shumë se gjysmë sezoni. Në 2012 u rikthye në drejtimin e Brazilit, ku mori edhe dërrmimin nga Gjermania 7-1. Edhe pas asaj ai dështoi në eksperincën e tij te Gremio.

Top Channel