Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Ish gruaja e S. Braçe, 46 vjeç, nga Hekali i Mallakastrës u kishte marrë borxh 1600 euro dy vëllezërve, Lani dhe Olen Boraj nga Ksamili i Sarandës, por nuk ua ka kthyer.
Në korrik të vitit të kaluar dy vëllezërit kanë marrë peng dhe kanë dhunuar 46-vjeçarin, ndërkohë që ai u kishte thënë se nuk kishte dijeni pasi ishte divorcuar nga e shoqja. Kjo e fundit që nga marrja e borxhit në shkurt të 2017 ishte larguar jashtë shtetit.
Policia e Fierit ka ndaluar këtë të martë dy vëllezërit e shpallur në kërkim për heqje të paligjshme të lirisë, armëmbajtje pa leje dhe vetëgjyqësi
“Ndalimi i këtyre shtetasve u bë pasi Gjykata e Shkallës së Parë Fier me Vendimin e datës 24.05.2018 ka dhënë masën e sigurisë “Arrest në burg” për veprat penale “Heqja e paligjshme e lirisë”, “Prodhimi dhe mbajtje pa leje e armëve dhe municionit luftarak” dhe Vetëgjyqësia” parashikuar nga Nenet 110/2, 278/2 dhe 277 të Kodit Penal.
Në Korrik të vitit 2017, këta shtetas në bashkëpunim me njeri tjetrin, në fshatin Hekal, Mallakastër, kanë marë forcërisht dhe i kanë hequr lirinë për disa orë shtetasit S.B, 46 vjeç, banues në Fier”, thotë policia.
Top Channel
