Kombëtarja meksikane e futbollit po përballet me një skandal jashtë fushave të blerta, kur duhen pak ditë nga nisja e turneut më të rëndësishëm për të gjitha përfaqësueset e globit.
Shumë lojtarë, të cilët do të përfaqësojnë vendin në Botërorin rus, janë nën akuzë se organizuan një festë me prostituta, menjëherë pas një miqësoreje të zhvilluar ndaj Skocisë.
Ya es #MartesDeTVNotas! Y nuestra #Edición1117 está lista, ¡No te la puedes perder, sólo la verdad! https://t.co/9pmE8BFXv8 pic.twitter.com/si72zKFdZp
— Revista TVNotas (@TVNotasmx) June 5, 2018
Kjo është një akuzë e ngjashme dhe rast i përsëritur me vitin 2011, kur asokohe kombëtarja e Meksikës përjashtoi 8 lojtarë për një festë me vajza në hotelin e ekipit, që më vonë u konfirmuan se ishin eskorta me pagesë.
Revista “TV Notas” raportoi ngjarjen, duke publikuar edhe fotografi që konfirmojnë akuzat për festën, e cila zgjati thuajse 24 orë në Mexico City.
La información gráfica de @TVNotasmx pic.twitter.com/pSxdDCeIab
— Rafael Ramos (@RafaeIRamosV) June 5, 2018
Portieri Ochoa, mbrojtësi Salcedo, mesfushori Fabian dhe sulmuesi i njohur Giovanni dos Santos janë mes futbollistëve të inkriminuar publikisht nga shtypi. Kjo situatë aspak e këndshme ka trazuar përgatitjet e ekipit në prag të miqësores me Danimarkën, të shtunën, prova e fundit para se Meksika të zbarkojë në Botëror.
Mexico’s National Soccer team allegedly hired prostitutes for pre-World Cup farewell party. Local media reports on the event like…?? pic.twitter.com/FQ1GKTeIx6
— Laura Martínez ®️ (@miblogestublog) June 5, 2018
Ndeshja e parë zyrtare e Meksikës në Botërorin rus do të jetë një përballje shumë e vështirë ndaj Gjermanisë, kampione në fuqi.
Top Channel