Balliu shkëlqen me Rayo Vallecanon, në formacionin e javës me lojtarin e Realit dhe Griezmann 16/04 21:09
Superkupa italiane “emigron” sërish, e këtë herë jo për në lindjen e largët, por në Arabinë Saudite.
Në 3 sezonet e ardhshme do të jetë pikërisht mbretëria arabe që do të presë skuadrat rivalizuese për trofeun e parë sezonal të futbollit italian, atë që zhvillohet mes fituesit të Serie A dhe fituesit të Kupës së Italisë.
Ndeshja e parë pas kësaj marrëveshjeje do të jetë ajo mes Juventusit dhe Milanit, që do të zhvillohet në janar të vitit 2019 (me shumë gjasë më 19 janar), e jo gjatë verës siç është luajtur zakonisht në Itali, apo në fundvit siç u luajt në Kinë.
Lajmi është zyrtarizuar nga Liga italiane e futbollit, pas takimit dhe paktit të arritur me ministrin e Sporteve në Arabinë Saudite, Turki Alalshikh, për një kontratë tejet të majme që do të sjellë rreth 20 milionë euro në arkat e organizatorëve të Serie A.
Klubet respektive do të mund të përfitojnë nga 3 milionë euro secila, ndërsa kontrata e vjetër sillte të ardhura prej 4 mln eurosh në sezon por ishte shoqëruar me probleme organizative në eksperiencën kineze.
Top Channel
