Zbulohet dokumenti, klubi i futbollit “Tirana” del në ankand. Ja vlera e 66% të aksioneve të 26 herë kampionëve të Shqipërisë
22/04 12:52
Italia nuk arriti të shkojë në Botërorin që do të zhvillohet në Rusi këtë vit, e faji kryesor iu atribuua trajnerit Gian Piero Ventura, i cili u shkarkua pas skualifikimit të të kaltërve nga Suedia në play off.
Por për ish-trajnerin e të kaltërve, fati i tij ishte vulosur kohë më parë, e Gian Piero Ventura, ka rrëfyer gjithçka që ka ndodhur në prapaskenë në një intervistë.
“Pas ndeshjes me Maqedoninë dhashë dorëheqjen, por nuk u pranua. Kisha vendosur që edhe në rast se do të kualifikoheshim për Kupën e Botës, kisha vendosur të dorëhiqesha, sepse ishte e pamundur që të punoheshe”, kjo ka qenë deklarata e parë e Gian Piero Ventura, i cili ka thyer heshtjen pas disa muajsh nga shkarkimi aq shumë i diskutuar në Itali.
“Një minutë pas humbjes kundër Spanjës të gjithë kërkonin shkarkimin tim. Gabova që nuk u largova menjëherë pas ndeshjes në Madrid, e bëra pas ndeshjes me Maqedoninë, por kjo u shty. Vendosa të largohesha pas Suedisë, edhe nëse do të kualifikoheshim. Nuk e bëra ,sepse pashë që u bëra kurbani i një sistemi që nuk funksiononte”.
Top Channel
