Aksident tragjik në aksin Milot-Fushë Krujë, humbin jetën 2 të rinj në aksident

26/05/2018 22:35

Dy të rinj humbën jetën mbrëmjen e së shtunës si pasojë e një aksidenti në autostradën Milot-Fushë Krujë.

Mes tyre është 26-vjeçari që drejtonte mjetin tip “Volkswagen” në momentin që doli nga rruga. Viktima tjetër është një 21-vjeçar.

Ata nuk mundën t’i mbijetonin plagëve të marra pas dërgimit në spitalin e Traumës në Tiranë. Dy pasagjerët e tjerë, njëri 18 vjeç, ndodhet në gjendje të rëndë shëndetësore, ndërsa shoku 23-vjeçar i plagosur, por jashtë rrezikut për jetën.

Grupi hetimor në vendngjarje po punon për zbardhjen e plotë të shkaqeve të aksidentit të automjetit ku po udhëtonin 4 të rinjtë nga Tirana.

Top Channel