Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Lidhja Demokratike e Kosovës e quajti të varfër, pa tema diskutimi, pa parime dhe pa afate kohore platformën e prezantuar nga Qeveria për dialogun me Serbinë.
Një tjetër pakënaqësi e LDK-së është edhe roli udhëheqës që ka Presidenti i Republikës, sipas kësaj platforme.
Kreu i grupit parlamentar të kësaj partie, Avdullah Hoti thotë se partia e tij do të analizojë në ditët në vijim platformën dhe më pas do të dalë me një vendim më të qartë.
Hoti paralajmëroi gjithashtu edhe organizimin e një tryeze për të diskutuar mbi krizën, sipas LDK-së, që po kalon vendi.
“Do të diskutohet kriza institucionale dhe politike që po kalon vendi, humbja e shumicës parlamentare, mosfunksionimi normal i Kuvendit si dhe dështimi i funksionimit ligjor dhe kushtetues të institucioneve, siç ishte rasti me dëbimin e gjashtë shtetasve turq”, u shpreh ai.
Top Channel
