Bilbao ndal Realin në ‘Bernabeu’, Valencia zhgënjen ndaj Getafes

18/04/2018 23:28

Ndonëse në fushë ishte thuajse i gjithë formacioni më i mirë, Reali i Madridit nuk shkoi më shumë se një barazim 1-1 ndaj Athletic Bilbaos.

Skuadra e Zidane e pa veten në disavantazh që në minutën e 14′, pas golit të shënuar nga Williams për baskët dhe më pas nisi një kalvar të pandërprerë aksionesh për të gjetur golin e barazimit.

Gjithsesi, mbrojtja dhe portieri i Bilbaos u mbajtën mjaft mirë deri në minutën e 87′, kur Luca Modriç lëshoi një goditje nga jashtë zone, duke e dërguar topin në rrjetën e portës.

Minutat e mbetura nuk prodhuan ndryshim rezultati dhe Reali u pajtua me një pinë në shtëpi, që gjithsesi e mban në vendin e 3-të.

Më herët, Valencia zhgënjeu në shtëpi ndaj Getafes, teksa humbi 1-2, ndërsa Eibari fitoi 0-1 në Katalunjë ndaj Espanyolit.

Top Channel