Makina përplas motoçikletën dhe largohet, dy të vdekur në Mat

21/03/2018 20:30
Foto ilustruese

Dy persona kanë humbur jetën si pasojë e një aksidentit të rëndë rrugor të ndodhur në Komsi të rrethit të Matit.

Aksidenti ka ndodhur rreth orës 19:00 në vendin e quajtur “Lapidari” të kësaj njësie administrative.

Sipas policisë, në aksident janë përfshirë një automjet dhe një motoçikletë dhe nga përplasja ka ndërruar jetë në vendin e ngjarjes shtetasi me inicialet G.H, rreth 29 vjeç, ndërsa shtetasi A.B., rreth 35 vjeç, banues në Komsi ka humbur jetën rrugës për në spitalin e Traumës në Tiranë.

Drejt Tiranës është nisur edhe 18-vjeçari me inicialet E.H., edhe ky banues në Komsi.

Policia thotë se drejtuesi i mjetit që ka shkaktuar aksidentin është larguar nga vendi i ngjarjes, ndërsa paraprakisht dyshohet se bëhet fjalë për një makinë tip “Opel” dhe po vijon puna për identifikimin e autorit dhe shkaqet e aksidentit të rëndë.

FOTO GALERI
1/5

Top Channel