Kampionat skish në Shishtavec të Kukësit, në promovim të turizmit
24/02/2018 12:21
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Në Kukës është organizuar kampionati lokal i skive. Në kuadër të promovimit të turizmit malor, ky aktivitet u zhvillua në Shishtavec.
Kryetari i Bashkisë së Kukësit, Bashkim Shehu tha se promovimi i vlerave më të mira të zonës dhe zhvillimi i turizmit malor, në veçanti, janë prioritet i padiskutueshëm i Bashkisë, duke i ftuar të gjithë biznesmenët të investojnë në fushën e turizmit.
“Shishtaveci është në 100 fshatrat e përzgjedhur. Ne kemi listuar rreth 15 projekte, kështu që përfitoj nga rasti t’i bëj thirrje biznesit. Tashmë Bashkia e Kukësit ka një paketë fiskale shumë dashamirëse, e sidomos ata që janë vendas, por edhe ata nga emigracioni të vijnë në vendin e tyre për të investuar, sepse ky vend është i mrekullueshëm”, tha Bashkim Shehu, kryetar i Bashkisë së Kukësit.
Në këtë kampionat morën pjesë skiatorë të grupmoshave të ndryshme dhe për fituesit u ndanë certifikata e çmime.
Top Channel
