Hazard përgënjeshtron babain: I lumtur te Chelsea
22/01/2018 12:51
VIDEO/ Përballjet në Europa League, Roma mposht Milanin me një lojtar më pak! Atalanta eleminon Liverpool-in 18/04 22:50
Eden Hazard del kundër babait të tij, përsa i përket transferimit të tij te Reali i Madridit.
Mesfushori belg, që u bë protagonist në fitoren 4-0 të Chelsea me Brighton, përgënjeshtroi atë që i ati tha pak kohë më parë për refuzimin e rinovimit të kontratës me ‘Blutë’, pasi ishte në pritje të ofertës së Realit të Madridit.
“Kam folur me babain tim, ka bërë deklaratë ta gabuar – tha Hazard – unë jam i lumtur te Chelsea dhe jam i përqendruar vetëm në ndeshjet me fanelën e kësaj skuadre”, tha belgu. Hazard më pas sqaroi edhe çështjen e tij kontraktuale me Kampionët e Anglisë, duke qetësuar të gjithë tifozët e ‘Bluve’ të Londrës.
“Kam edhe 2 vjet në kontratën time me Chelsean. Dua të mbyll sezonin me këtë skuadër dhe më pas të shohim çfarë do të bëjmë, por po e përsëris, jam i kënaqur me situatën time aktuale”, – tha Eden Hazard.
Top Channel
