Top Channel zgjedh sportistin e vitit
30/12/2017 15:28
Pochettino: Lukaku mund të qëndrojë te Chelsea sezonin e ardhshëm, por do ta shohim 24/04 08:08
Peshëngritësja shqiptare Romela Begaj u zgjodh sportistja shqiptare më e mirë e vitit. Një muaj i tërë votimesh në faqen zyrtare të Top Channel dhe fluksi aspak i zakonshëm i vizitave në sondazhin tradicional të fundvitit, vlerësuan kampionen e botës më lart se të gjithë pretendentët e tjerë.
Romela Begaj shkëlqeu në Botërorin e Anahajmit në Kaliforni, duke fituatr titullin në shkëputje, ndërsa doli nënkampione në dygarësh. Ky ishte dhe rezultati më i mirë i marrë ndonjëherë nga një peshëngritës kuqezi.
Por, kishte jo pak rivalitet për fronin e më të mirit në anketën e Top Channel. Begaj arriti të marrë numrin më të madh të votuesve nga shqiptarët anembanë globit, por në jo pak raste shtangistja u kërcënua nga portieri i Lazios, Tomas Strakosha. Paraqitjet e tij të mira me kombëtaren dhe Lazion jo më kot e kanë kthyer në objektivin e shumë gjigantëve kontinentalë.
Mijëra votues në sondazhin e Top Channel zgjodhën në shkallën më të ulët të podiumit peshëngritësin Briken Çalja, i cili gjithashtu bëri një paraqitje të mirë në Botërorin amerikan, duke marrë vendin e katërt në dygarësh.
Izmir Smajlaj pushtoi pistën në Beograd në garën e kërcimit së gjati, por kampioni i Europës nuk hyri mes 3 preferencave kryesore të tifozëve shqiptarë. Në 10 vendet e para ka një dominim të lehtë të futbollit, me Hysajn, Sadikun dhe Orges Shehin.
Top Channel
