Sheikët duan Milanin; kinezët mund ta shesin
04/12/2017 13:19
Balliu shkëlqen me Rayo Vallecanon, në formacionin e javës me lojtarin e Realit dhe Griezmann 16/04 21:09
Milani është në një moment të vështirë dhe kjo jo vetëm brenda fushës së blertë. Të premten mblidhet komisioni i UEFA-s dhe në mes të dhjetorit, qeveria europiane e futbollit do të dalë me një vendim sa i përket planit financiar të Marco Fassone-s.
Zërat që vendimi do të jetë një “Jo” e prerë nuk janë të paktë dhe Milani rrezikon një ndëshkim në bazë të rregullave të “fair play” financiar.
E i nxitur edhe nga një përgjigje negative e UEFA-s, Presidenti Yonghong Li mund të vendosë që të shesë klubin.
Sipas asaj që raporton “La Repubblica” këtë të hënë duket se interesim ka patur nga një grup arab, që në korridoret financiare njihet si “i nivelit të lartë”.
“La Repubblica” nuk bën me dijë emrin e grupit, por thotë se arabët janë të interesuar për të blerë një paketë të majme aksionesh nga kinezët e Milanit, ose thënë më saktë, duan shumicën e tyre.
Top Channel
