Formula 1/ “Tërhiqem në fund të sezonit”, katër herë kampioni i botës merr vendimin final 28/07 13:46
Quhet Triple H dhe është një nga legjendat e Wrestlingut. Është fitues i 14 titujve kampion, 9 në WWE Championship dhe 4 në Botërorin e Peshave të Rënda të kësaj kategorie sportive.
Gjithashtu, ai është edhe një personazh që shfaq respektin maksimal për kampionët e botës në sportet e tjera.
Triple H e tregoi këtë edhe në rastin e Lewis Hamilton. Tani që është në detyrën e Shefit Operacional në WWE, Triple H vendosi t’i bëjë një dhuratë britanikut, për titullin e katërt të fituar në Formula 1 dhe bëhet fjalë për Brezin e kampionit të WWE.
“Kjo dhuratë e WWE shkon për kampionin e botës në Formula 1, Lewis Hamilton”, shkruante Triple H në profilin e tij në rrjetin social Twitter.
Brezi që i është rezervuar Hamilton, është i personalizuar me logon që piloti i Mercedes mban në kaskën e tij dhe me numrin 44. Ky është trofeu i radhës, të cilin britaniku do të mund ta ekspozojë në muzeun e tij personal.
Top Channel
