Akuzat për korrupsion, Limaj shpallet i pafajshëm
24/11/2017 22:52
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Pas një procesi të gjatë gjyqësor numri dy i qeverisë kosovare, Fatmir Limaj dhe katër bashkëpunëtorë të tij u shpallën të pafajshëm nga Gjykata Themelore e Prishtinës lidhur me akuzat për “korrupsion, krim të organizuar e keqpërdorim të pozitës zyrtare”.
Një trup gjykues i përbërë nga dy gjykatës ndërkombëtarë dhe një vendas, tha se nuk ka asnjë provë se zv/kryeministri dhe të tjerët, të ishin të përfshirë në veprat për të cilat akuzohej.
Procesi gjyqësor që u mbyll të premten, pasoi hetimet e nisura në prill të vitit 2010, nën dyshimet për korrupsion në kohën kur Limaj drejtonte Ministrinë e Transporteve dhe Telekomunikacionit.
Limaj, që është kryetar i partisë Nisma për Kosovën, e ka quajtur rastin kundër tij si të motivuar politikisht.Edhe të akuzuarit e tjerë ish-truproja e Limajt, Shpejtim Telaku, ish-këshilltari i tij politik, Endrit Shala, dhe Nexhat Krasniqi e Forim Zuka, u shpallën të pafajshëm.
Një ish-komandant i Ushtrisë Çlirimtare të Kosovës, në shtator të vitit 2013 Limaj u shpall i pafajshëm për të dytën herë nga akuzat për krime lufte. Më herët në 2005-ën ishte Gjykata Ndërkombëtare për krime lufte në hapësirat e ish-jugosllavisë që e çliroi nga të njëjtat akuza.
Top Channel
