Dodik skicon “hartën” e Ballkanit, reagon Vuçiç
22/11/2017 14:56
Numërohen 88% e votave në Maqedoni, kandidatja e VMRO udhëheq me diferencë të thellë. Osmani shkon në 32 mijë vota para Taravarit 24/04 23:18
Në një intervistë ekskluzive për “Deutsche Welle”-n, Milorad Dodik tha se Republika Serbe nuk do të organizojë referendum për shkëputje nga Bosnje-Hercegovina.
Por kjo, vetëm për momentin, sepse pavarësia e Republikës Serbe, ndarja e kësaj pjese nga Bosnja dhe bashkimi me Serbinë mbeten “ëndërr e tij”.
Dodik nuk ngurroi të vizatonte edhe kufijtë e rinj të Kosovës dhe Bosnjes, gjë që ngjalli reagimin e menjëhershëm të presidentit serb, Aleksandar Vuçiç, që e kundërshton ndryshimin e kufijve në Ballkan.
Harta e Dodik acaroi dhe kreun e Ligës së Socialdemokratëve në Vojvodinë, Nenad Çanak, i cili tha se “vizatime të këtij lloji sjellin ndërmend fillimin e tragjedive të tmerrshme nga fillimi i viteve ’90”.
Dy nga drejtuesit e presidencës boshnjake, Izetbegoviç dhe kroati Çoviç do ta njihnin pavarësinë e Kosovës, por këtë e pengon kundërshtimi i palës serbe.
Top Channel
