Kukësi, konfirmohet Gjici, largohet Zeqiri. Ka edhe një kusht

21/11/2017 12:02

Disfata në ndeshjen me Partizanin nuk u kalua aq lehtë te skuadra e Kukësit.

Klubi verilindor zhvilloi një mbledhje, duke bërë analizën e asaj që ndodhi në sfidën e “Zeqir Ymerit”, ku u vendos konfirmimi i trajnerit Milinkoviç dhe stafit teknik, si dhe e futbollistëve që u aktivizuan në këtë përballje.

Por ky konfirmim u shoqërua edhe me një kusht nga drejtuesit e kampionëve të vendit.

Kukësi duhet të fitojë me çdo kusht dy ndeshjet e radhës, atë të kampionatit me Laçin dhe atë të Kupës së Shqipërisë ndaj Erzenit, për të përgatitur më pas sfidën me Skënderbeun në Superiore, me objektiv shkurtimin e distancës me korçarët në klasifikim.

Ndërkohë, mesfushori Hair Zeqiri, i cili nuk u aktivizua në sfidën e së hënës, u largua nga kampionët e vendit.

Top Channel