20-vjetori i Shoqatës, konferencë e ekspertëve kontabël
18/11/2017 21:51
“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Shoqata e Ekspertëve Kontabël të Miratuar ka zhvilluar një konferencë për të kremtuar 20-vjetorin e krijimit të saj, me temë sfidat e audituesit në një mjedis ekonomik të vazhdueshëm.
Përfaqësuesi i shoqatës tha se në 20 vite kanë ndodhur ndryshime e përmirësime të mëdha në mënyrën e ushtrimit të profesionit. Ai tha se ekspertët kontabël shqiptarë sot zhvillojne aktivitetin bazuar në një kurrikul të re dhe moderne, sipas kritereve e standardeve ndërkombëtare.
Por në të ardhmen ,sipas oratorëve, profesioni do të vendosë në fokus zhvillimet e reja me natyrë analizuese që prodhojnë vlerë të shtuar për biznesin. Objektivi kryesor i shoqatës mbetet mbrojtja e interesit publik.
Ndërkaq, ministrja për Mbrojtjen e Sipërmarrjes, Sonila Qato duke vleresuar punën e kontabilistëve tha se duke qene një profesion që promovon transparencën dhe respektimin e barabartë të ligjit, profesioni i ekspërtëve kontabël mund të ndikojë në luftën ndaj informalitetit dhe reformave ekonomike.
Deputeti dhe ish-ministri i Financave, Anastas Angjeli u shpreh se informacioni që gjenerojnë ekspertët kontabël ndikon në përmirësimin e performancës së sektorit publik, por edhe mund të ndikojë në rritjen e konomike dhe përmirësimin e sfidës fiskale.
Top Channel
