Stafi i Mercedes, grabitet me armë në Brazil

11/11/2017 16:58

Një ngjarje e rëndë ka ndodhur në Brazil, pak para fillimit të provave zyrtare të Formula 1, në pistën e Interlagosit.

Stafi i skuderisë Mercedes, janë grabitur nën kërcënimin e armëve, nga një bandë e armatosur, duke shkaktuar panik.

I menjëhershëm ka qenë edhe reagimi i kampionit të botës, Lewis
Hamilton, që në Twitter, ka kërkuar masa të menjëhershme nga organizatorët e Formulës.

“Të gjithë janë të frikësuar në skuadrën tonë. Me të drejtë, pasi u kishin drejtuar në kokë armë të vërteta, janë kriminelë që nuk bëjnë shaka. Kjo ka ndodhur në të dalë të cirkutitit të Interlagos. U dëgjuan edhe të shtëna me armë. Këto skena ndodhin çdo vit në këtë vend, duke turbulluar ata që kërkojnë të jenë profesionistë edhe në kushte ekstreme. Drejtuesit e Formula 1 duhet të marrin masa urgjente. Për episode të tilla nuk ka justifikime”, shkroi Hamilton.

Gjithsesi, lajmi i mirë është se nuk ka të lënduar. Në vitin 2010, po në Sao Paolo, edhe Janson Button ka rënë pre e një sulmi të armatosur, të cilin ai ende sot e evokon si të tmerrshëm. Kjo nuk ishte mbyllja më e bukur që mund t’u bëhej garave të Formula 1.

Some of my team were held up at gun point last night leaving the circuit here in Brazil. Gun shots fired, gun held at ones head. This is so upsetting to hear. Please say a prayer for my guys who are here as professionals today even if shaken.

— Lewis Hamilton (@LewisHamilton) November 11, 2017