Rruga e Arbrit, pritet shpallja e fituesit
24/10/2017 15:20
“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Kompania “Gjoka Konstruksion” është fituesja e koncesionit për ndërtimin e Rrugës së Arbrit. Burime të sigurta pranë Autoritetit Rrugor Shqiptar bëjnë me dije se oferta e paraqitur nga kjo kompani është pranuar dhe pritet shumë shpejt do të bëhet shpallja.
Vlera e projektit është llogaritur 33.6 miliardë lekë, ose afro 254 milionë euro. Kompania do ta ndërtojë rrugën me fondet e saj dhe paralelisht do të ketë detyrimin për ta mirëmbajtur atë derisa qeveria të shlyejë koston.
Koncesioni ishte kërkuar në pranverën e këtij viti nga kompania “Gjoka Konstruksion”, ndërkohë që tenderi është zhvilluar në fillim të tetorit.
Rruga e Arbrit ka një gjatësi prej 73.5 kilometër. Nga këto 20.1 kilometër janë ndërtuar me paratë e buxhetit, ndërkohë që 15 kilometra të tjerë janë ndërtuar pjesërisht.
Volumi më i madh i punimeve ngelet i papërfunduar. Ndërtimi i këtij aksi bëhet sipas skemës 1 miliard euro, ku kompanitë do të investojnë vetë në vepra publike dhe do të paguhen nga buxheti i shtetit me këste.
Top Channel
