Balliu shkëlqen me Rayo Vallecanon, në formacionin e javës me lojtarin e Realit dhe Griezmann 16/04 21:09
“Euro 2004” nuk mund të harrohet lehtësisht nga tifozët “axurr”. Atë edicion, Italia do të eliminohej që në fazën e grupeve, edhe pse nuk kishte humbur asnjë takim. Shkaku? Rezultati 2-2 mes Danimarkës e Suedisë…
Italia do të barazonte në përballjen e parë të grupit me Danimarkën (0-0), e më pas do të ndalej sërish në barazim 1-1 me Suedinë, me Ibrahimoviçin që do të vinte barazpeshën në minutat e fundit me një gol të mrekullueshëm. Këto rezultate e bënin të detyrueshme, që “axurrët” të mposhtnin në ndeshjen e fundit në grup Bullgarinë, për t’u ngjitur në kuotën e 5 pikë e për t’u kualifikuar.
Por, pavarësisht se mposhti bullgarët me një gol në fund nga Cassano, pasi ishin gjendur fillimisht në disavantazh, kombëtarja e drejtuar nga Trapattoni do ta kishte të kotë. Kjo sepse Suedia e Danimarka, të cilat kishin grumbulluar nga 4 pikë përpara “derbit” nordik, barazuan me rezultatin 2-2, i vetmi që u jepte atyre mundësi të ecnin përpara dhe të ndëshkonin Italinë.
Ky rezultat është rikujtuar sërish sot, vetëm pak pas hedhjes së shortit të “play off”-eve që do të japin edhe 4 bileta nga zona e Europës për në Botërorin “Rusi 2018”, sigurisht nga tifozët italianë, që kanë “pushtuar” rrjetet sociale.
Pas 13 vitesh, Italisë i duhet të hakmerret ndaj Suedisë. Tifozët flasin për hakmarrje të plotë, pasi një të pjesshme e kanë arritur që në Europianin e 2016-s, gjatë të cilit Italia e drejtuar nga Conte shkoi deri në çerekfinale, me vendin e parë në grup për “axurrët”.
FOTO GALERI
1/1
Ironia e tifozëve suedezë ndaj italianëve
Top Channel
