“Vendi i Shqiponjave”, me sytë e francezes
13/10/2017 00:00
Autizmi flet, jep dhe kërkon dashuri! Në Durrës jepet koncerti me talente të ndryshëm të fëmijëve të spektrit autik
19/04 15:43
Ajo ka dashur që e vogël të vizitojë Shqipërinë, por dëshira iu shtua edhe më tej, kur sëbashku me familjen, në kohen e diktaturës, ndalohet në kufirin shqiptar për të mos u lejuar të kalojë e të vizitojë Shqipërinë.
Ndaj fotografja franceze Virginie Caquot ka eksploruar përmes aparatit më tej këtë vend të ndaluar.
“Që e vogël kam qenë e tërhequr nga historitë e Ballkanit, ndoshta pikërisht nga momenti kur udhëtimi ynë u ndalua në kufi të Shqipërisë. Këtë udhëtim kisha ëndërr ta realizoja, sepse isha shumë e tërhequr drejt këtij vendi”, u shpreh fotografja Virginie Caquot.
Çdo foto është si një frame i vogël në filmin e gjatë të historisë së madhe të vendit të shqiponjave.
“Çdo foto ka historinë e saj, historinë time personale në momentin e shkrepjes, por njëkohësisht ka edhe momentin e historisë që dua të transmetoj. Nuk janë fotografi të studiuara, të programuara. Nuk mund të bëj foto që i kam imagjinuar më parë, shkrep në çast. P.sh: foto e pazarit është një moment që më ka pëlqyer shumë, nuk është moment kaotik, mes makinës së madhe dhe shitësit, por përkundrazi kjo foto jep ndërhyrjen e së vjetrës tek e reja”, thotë Caquot.
Ekspozita “Në vendin e Shqiponjave” me sytë e fotografes franceze mund të vizitohet deri më 23 tetor në GKA.
Top Channel
