Cristiano Ronaldo rikthehet të luajë për Real Madridin dhe menjëherë e nis me dopietë, në ndeshjen ndaj Apoel, të fituar 3-0.
Portugezi ka munguar në javët e para të kampionatit spanjoll për shkak të pezullimit me 5 javë, të marrë nga Federata e Futbollit, sepse shtyu arbitrin.
Liverpool nuk shkoi dot më shumë se barazim 2-2, ndaj Seviljas, në një ndeshje vërtetë spektakolare.
Surpriza erdhi nga Ukraina, ku Napoli u mposht me rezultatin 2-1, nga vendasit e Shakhtar Donetsk dhe nga Portugalia, ku Besiktas mposhti Porton me rezultatin 1-2.
Manchester City fitoi me goleadë, 0-4 ndaj Feyenord, ndërsa Tottenham mposhti 3-1 gjermanët e Borusia Dortmund.
Në këtë mbrëmje të Champions League, zbriti në fushë edhe Valon Ahmedi, sulmuesi shqiptar që aktivizohet për Mariborin.
Sllovenët u ndanë në barazim 1-1, me rusët e Spartakut të Moskës, ndërsa mesfushori kuqezi luajti titullar dhe u zëvendësua në minutën e 70.
Top Channel