AKR: Të tejkalohet ngërçi politik
19/08/2017 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Deputeti i Aleancës Kosova e Re, Korab Sejdiu beson se në seancën e 24 gushtit do të përfundojë bllokada për formimin e qeverisë së re.
Në një prononcim për “Indeksonline”, deputeti i AKR-së tregon se ultimatumi i Behgjet Pacollit për gjetjen e një zgjidhjeje ishte thjesht për pajtim midis dy partive, LDK-së dhe Lëvizjes “Vetëvendosje”.
“Natyrisht që Pacolli e ka bërë në cilësinë e nxitjes së bashkëpunimit në mes të koalicionit tonë dhe Lëvizjes “Vetëvendosjes” me qëllim që të kemi unifikim të një shumice që ekziston në Parlament për të vijuar funksionalizimin e bashkëpunimit në Kuvend dhe më pas në Qeveri”, ka deklaruar ai.
Sejdiu hedh dyshime që koalicioni PAN mund edhe mos të marrë pjesë në seancën e ardhshme të Kuvendit.
“Nëse e shikojmë historinë e veprimit të PAN-it, ku ata vazhdimisht kanë premtuar se do të vijnë dhe do ta propozojnë kandidatin e tyre për kryeparlamentar, atëherë ka shumë pak bazë që ata do të bëjnë diçka pozitive me 24 gusht. Por, shpresojë se ata do të vijnë dhe vijnë me propozim e pastaj të procedohet tutje për konstituim të Kuvendit”, është shprehur ai.
Në fund, deputeti Sejdiu thotë se sipas aktgjykimit të 2014-ës të Gjykatës Kushtetuese PAN-it i takon propozimi për kryetarin e ri të Kuvendit.
Top Channel
