Global Peace Index, Shqipëria ngjitet me një vend
02/06/2017 00:00
Fiks Fare/ Infermieri paguhet në shtet pa shkuar në punë, shet ilaçet e një depoje farmaceutike. Favorizohej nga drejtori i QSH Bushat
18/04 20:50
Shqipëria ka fituar edhe një vend në listën e renditjes së Global Peace Index, duke u renditur e 57-ta nga 163 shtete.
Në raportin e GPI të publikuar një ditë më parë, Shqipëria renditet mes vendeve paqësore, dhe ajo që bie në sy mes indikatorëve është perceptimi i kriminalitetit, dhe aksesi tek armët, si dhe paqëndureshmëria politike.
Në shifra ato që kanë ndryshuar nga një vit më parë është paqëndrueshmëria politike dhe ndikimi i terrorizmit. Sipas GPI për 2017 pikët e paqëndrueshmërisë politike nga 2.6/5 në 2016 shënojnë 2.5/5. Ndërkohë, ndikimi i terrorizmit një vit më parë ka patur shifrën 1.8/5, ndërsa për 2017 shënon 1.4/5.
Perceptimi i kriminalitetit dhe aksesi tek armët vazhdon të mbetet në shifra të larta, të dyja me pikët 4.0/5.
Në krye të listës qëndron sërish Islanda, e ndjekur nga Zelanda e Re, Portugalia, Australia dhe Danimarka, të cilat të gjitha janë në krye të listës edhe në raportin e 2016-tës.
Top Channel
