Medalja olimpike e vjedhur në Itali gjendet në Tiranë
25/05/2017 00:00
Misteret e CIA-s/ Shpesh vepron në fshehtësi, ka tri funksione kryesore! Çfarë bën ajo saktësisht?
19/04 17:07
Oscar De Pellegrin ishte impenjuar shumë për të fituar medaljen e artë në Lojërat Paralimpike të Londrës dhe, pasi ia kishte dalë mbanë, e tregonte me krenari në muzeun e tij personal.
Por ai ra prè e një grabitjeje në shtëpinë e tij, ku hajdutët i kishin vjedhur kujtimin e çmuar që kishte nga karriera e tij sportive.
Fatmirësisht, medalja që kishte fituar në garën e gjuajtjes me hark u gjend në Shqipëri, me atletin që do ta rimarrë shpejt, pas një ceremonie në Ambasadën e Italisë në vendin tonë.
Artan Lame tregoi sesi e gjeti medaljen olimpike në Tiranë, në një treg mallrash të përdorura.
Policia e Provincës së Bellunos, ku banon atleti, në bashkëpunim me kolegët shqiptarë arritën të lokalizojnë medaljen e vjedhur në vendin tonë. Oscar De Pellegrin ka garuar në 6 olimpiada, me “Londër 2012” si edicionin e fundit ku mori pjesë.
Medalja i ishte marrë kampionit në vitin 2016.
Top Channel
