Zgjedhjet në Kosovë, qeveria ndan 4.9 mln euro
15/05/2017 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Plot 4.9 milionë euro është shuma, që Qeveria e Kosovës do të shpërndajë për zgjedhjet e parakohshme të 11 qershorit.
Në mbledhjen e Qeverisë, kabineti në largim vendosi gjithashtu që 90 mijë euro do të kushtojë procesi ankimor për zgjedhjet e parakohshme.
Kryeministri në detyrë, Isa Mustafa tha se, me këtë u siguruan mjetet financiare që KQZ-ja të mos ketë pengesa në organizimin e procesit.
Ndërkohë, Komisioni Qendror i Zgjedhjeve ka përcaktuar limitin e shpenzimeve të fushatës për subjektet politike për zgjedhjet e parakohshme, në shumën prej 942.573 euro.
Në mbledhjen e mbajtur sot, KQZ ka miratuar edhe regjistrimin e Partisë “Kosovskih SRBA-PKS”, e themeluar nga dhe me kryetar Aleksandar Jablanoviç.
Top Channel
