Zjarr në Bibliotekën Kombëtare
15/03/2017 11:10
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Rreth orës 10:40 të paradites të së mërkurës, në katin e tretë të nëndheshëm të Bibliotekës Kombëtare është sinjalizuar një vatër zjarri.
Pas sinjalizimit përmes sistemit elektronik dhe atij të sigurisë së mbrojtjes nga zjarri, shërbimi i zjarrfikësve, Policia e Shtetit dhe Emergjencave Civile e Shëndetësore kanë mbërritur menjëherë në ambientet e Bibliotekës Kombëtare.
Në një dalje për mediat, drejtuesja e Bibliotekës lë të kuptohet se janë djegur libra, të cilët janë të rekuperueshëm, ndërsa thotë se nuk është prekur mjedisi ku ruhen vlerat e rralla dhe arkivi shqip i BKSH-së dhe as Baza Elektronike e të Dhënave Kombëtare të BKSH-s.
“Nga të dhënat paraprake nuk na rezulton të jetë prekur mjedisi ku ruhen vlerat e rralla dhe arkivi shqip i BKSH-së dhe as Baza Elektronike e të Dhënave Kombëtare të BKSH-së”, tha Persida Asllani.
Sipas repartit të zjarrfikëses, zjarri është favorizuar pasi ky kat i nëndheshëm lidhet me disa tunele, të cilat e përhapin flakën. Shkaku i rënies së zjarrit ende nuk është përcaktuar dhe punonjësit e zjarrfikëseve ende nuk kanë arritur në vatrën e zjarrit.
Top Channel
