Një çmim muzeut

Ky projekt është përzgjedhur si kandidat për çmimin “Ndërtesa më e mirë e vitit 2017 / Arkitektura kulturore” nga platforma më e njohur ndërkombëtare e arkitektëve, “ArchDaily”, mes 350 ndërtesave të tjera.

Muzeu Kombëtar i Artit Mesjetar, falë ndërtimit bashkëkohor dhe vlerave që bart, është një ndër destinacionet më të rëndësishme të trashëgimisë sonë kulturore, duke numëruar rreth 6.000 vizitorë në 4 muaj.

“Ka një rëndësi të jashtëzakonshme, shumë të madhe, që ndër objektet më të rëndësishme në të gjithë botën, nga 350 në total, është përzgjedhur edhe muzeu ynë. Është një vlerë e shtuar e qytetit të Korçës, por edhe e trashëgimisë sonë kulturore. Tashmë është periudha kur është mbyllur sezoni turistik dhe vizitat e të huajve janë rralluar, por janë shtuar vizitat e shqiptarëve. Mjafton të përmend që në dy muajt e parë, ne kemi pasur vizitorë gati sa ç’kemi pasur në vitet e kaluara mesatarisht për tërë vitin”, tha Lorenc Glozheni, drejtor i muzeut.

Në godinën e re të Muzeut, të ideuar nga arkitekti austriak Peter Ëillson janë ekspozuar rreth 400 ikona, nga të cilat 250 i prezantohen publikut për herë të parë. Mënyra e ekspozimit vjen në një frymë bashkëkohore, me një rend kronologjik të zhvillimit të mjeshtërisë ikonografike në Shqipëri.

Top Channel