Klima polare, kthehet bora, por në fundjavë shi
11/01/2017 00:00
Fiks Fare/ Infermieri paguhet në shtet pa shkuar në punë, shet ilaçet e një depoje farmaceutike. Favorizohej nga drejtori i QSH Bushat
18/04 20:50
Dëbora në Sarandë, Himarë e në të gjithë bregdetin e jugut erdhi si pasojë e një zonë të trazuar me qendër në detin Egje, e cila ka shtyrë ajrin e ftohtë drejt veriut të Greqisë dhe jugut të vendit tonë. Ashtu siç pritej, në orët e para të mëngjesit të kësaj të mërkure, bora zbriti në nivelin e detit, thotë thotë meteorologjia e Top Channel Rezarta Xhakollari.
“Sot në mbrëmje vonë, reshjet e dëborës do të intensifikohen edhe në zonën qendrore, ndërsa pritet të prekin edhe zonën e Lezhës dhe të Shkodrës. Ditën e premte pritet të riaktivizohen masa të paqëndrueshme atlantike, të cilat do sjellin reshje shiu në ultësirën perëndimore. Ndërsa në ditën e shtunë, reshjet e shiut do të prekin të gjithë vendin, në zonat malore do të rikthehen reshjet e dëborës me intensitet në lartësitë mbi 500 metra mbi nivelin e detit. Të premten, temperaturat do të pësojnë një rritje të ndjeshme, deri në 13 gradë celsius në bregdet”, thotë meteorologjia e Top Channel.
Top Channel
