UKT zëvendëson matësat e prishur nga ngrica
09/01/2017 00:00
Ngricat e ditëve të fundit kanë dëmtuar jo vetëm tubacionet e depozitave, por edhe matësit e ujit, duke lënë pa ujë jo pak familje.
Nisur nga kjo situatë emergjence, Ujësjellësi i Tiranës njofton se do të zëvendësojë të gjithë matësit e dëmtuar nga ngrica me të rinj.
UKT njofton se ka nisur procesi i evidentimit të dëmeve të shkatuara nga i ftohti te matësit e ujit në Tiranë. Zyrtarisht mësohet se pjesë e kësaj fushate janë të gjitha rastet e dëmtimeve nga temperaturat e ulëta dhe ngrica, të sinjalizuara brenda 5 ditësh në njësinë përkatëse të Ujësjellësit.
Ndërkohë, UKT fton të gjithë qytetarët që të telefonojnë në numrin e gjelbër (0800 44 88), që është në funksion 24 orë për të raportuar për dëme të këtij lloji.
Top Channel