Vritet 28-vjeçarja në Lezhë, qëllohet me armë para parukerisë
11/11/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Një vajzë 28-vjeçare është qëlluar me armë zjarri mëngjesin e së premtes, përpara një parukerie në qytetin e Lezhës, për fat të keq pa mundur t’i mbijetojë plagëve.
Menjëherë drejt vendit të ngjarjes kanë shkuar forcat e policisë, të cilat nga informacionet e mbledhura kanë arritur në përfundimin se shtetasja Etleva Ndoka, nënë e një djali 3-vjeçar, e njihte personin që e qëlloi.
Pas mbledhjes së dëshmive, blutë e Lezhës kanë arritur të identifikojnë autorin, shtetasin Alfred Nikolli, 31 vjeç, i cili është shpallur në kërkim nën akuzat e “vrasjes me paramendim” dhe “armëmbajtje pa leje”.
Zyrtarisht deklarohet që vrasja të ketë ndodhur për motive të dobëta, por pritet që hetimet të hedhin dritë mbi detajet e lidhjes mes 28-vjeçares dhe Nikollit.
Etleva Ndoka, e cila ka ndërruar jetë në spital, e kishte marrë me qera dyqanin, të cilin e kishte kthyer në parukeri për të siguruar jetesën për vete dhe djalin e saj të mitur.
Ndërkohë, autori i krimit është arrestuar pasditen e së premtes, pas disa orë hetimesh nga agjentët e drejtorisë lokale të policisë.
Top Channel
