Grabiste me uniformë policie, ekstradohet nga Gjermania i kërkuari
11/11/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Agjentë të Interpol Tirana, pasi kanë lokalizuar në Gjermani një të kërkuar nga drejtësia shqiptare kanë bërë të mundur ekstradimin e tij në vendin tonë.
Kështu, sipas një njoftimi për shtyp, shtetasi Petrit Çakraj ka mbërritur me avion pasditen e sotme në aeroportin e Rinasit.
Ndaj Çakrajt, 46 vjeç nga Tropoja, Gjykata e Kurbinit ka caktuar masën e sigurisë “arrest me burg” për një vjedhje me dhunë të ndodhur vitin e kaluar.
Më 3 korrik 2015, i prezantuar si agjent policie, Çakraj ka ndaluar dy shtetas kosovarë dhe u ka marrë atyre një shumë prej 9.200 eurosh, të cilat udhëtarët i mbanin në një çantë.
Lokalizimi, arrestimi dhe më pas ekstradimi i tij u bë i mundur përmes bashkëpunimit mes Interpol Tirana dhe Interpol Viezbaden.
Top Channel
