Granatë në shtëpinë e policit serb në veri të Kosovës
10/10/2015 11:55
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Një granatë dore është hedhur gjatë natës në shtëpinë e një polici serb, në veri të Kosovës, për fat të mirë pa shkaktuar të lënduar.
Sipas policisë lokale, ngjarja ka ndodhur rreth orës 3:30 të mëngjesit të sotëm në Zubin Potok, ndërsa autorët dhe motivi i këtij sulmi nuk dihen.
Përveç dëmeve në shtëpinë e policit M. Gjukiç është dëmtuar edhe një dyqan pranë saj dhe një automjet.
Shpërthimi i shkaktuar nga granata, e llojit “M-75”, prodhim jugosllav, ka qenë i fuqishëm dhe ka shqetësuar banorët e lagjes.
Zëvendësdrejtori i policisë për rajonin e veriut, Besim Hoti ka thënë se policia ka dalë menjëherë në vendngjarje dhe ka nisur operacionin “Unaza e Çeliktë”, në përpjekje për kapjen e autorit apo autorëve të këtij incidenti.
Top Channel
