Tropojë, gjenden dhe shkatërrohen 2 mijë bimë narkotike
14/08/2015 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Agjentë të policisë së Tropojës, të ndihmuar nga kolegët e Kukësit dhe operativët e FNSH-së kanë zhvilluar këtë të premte një operacion për kontrollin e territorit në zonat e thella malore tropojane.
Në një njoftim për shtyp thuhet se gjatë aksionit janë gjetur dhe shkatërruar rreth 2 mijë bimë narkotike të llojit kanabis, të kultivuara në 9 parcela.
Sipas njoftimit, bimët janë gjetur në fshatrat Lekbibaj dhe në vendin e quajtur Përroi i fshatit Palc, përkatësisht 1560 dhe 440 bimë.
Në vijim të operacionit uniformat blu kanë vënë në pranga shtetasin Klodian Gjini, 26 vjeç dhe banues në fshatin Cerrnicë, i konsideruar si një ndër personat përgjegjës për kultivimin.
Më herët gjatë ditës një operacion i ngjashëm u zhvillua në Lezhë, ku në zonën e njohur si Ras i Butë u gjetën dhe u asgjësuan rreth 440 bimë kanabis.
Top Channel
