Kosova, me normën e interesit më të ulët në rajon
05/08/2015 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Bankat e Kosovës dalin me kreditë më të ulëta në rajon. Drejtori ekzekutiv i Shoqatës së Bankave të Kosovës, Petrit Balij, ka bërë të ditur se norma mesatare e interesit për kredi tanimë është 7.6% e raportuar në fund të muajit qershor 2015.
Ai tha se viti 2015 ka qenë një vit i paprecedent në rënien e normave të interesit për kredi në 15 vitet e fundit në Kosovë, duke iu mundësuar kështu qytetarëve dhe bizneseve një qasje shumë më të lehtë në kredi.
“Tanimë Kosova është nën mesataren e rajonit dhe shpresojmë që kjo do t’i kontribuojë pozitivisht ekonomisë së vendit”, tha Balija përmes një komunikate për shtyp.
Në bazë të të dhënave të publikuara nga Banka Botërore, normat e interesit për kredi në vendet e Ballkanit Perëndimor në fund të vitit 2014 kanë qenë: Shqipëria me 8.7%, Bosnia dhe Hercegovina me 8.7%, Maqedonia me 7.5%, Mali i Zi me 9.4% dhe Serbia me 14.8%.
Top Channel
