5 pajisjet hi-tech për “arratisjen” e gushtit

27/07/2015 00:00

Një eReader me rezolucion të lartë për të ngarkuar të gjithë librat e pushimeve, një lexues muzike MP3, edhe për në ujë, një ushqyes i vogël baterie për emergjenca, pedalet smart për ata që adhurojnë pushimet me biçikletë, një mbrojtëse për telefonin me prekje për në plazh, si dhe një etilometër (matës i sasisë së alkoolit në frymëmarrje) për smartphone.

Këto janë gjashtë pajisjet teknologjike për pushimet e gushtit.

Me një rezolucion 300 piksel, Kindle i ri Paperwhite i Amazon prodhon një tekst me të njëjtën cilësi si libri i shtypur. Edhe me ekranin e ri të rezolucionit të lartë, bateria reziston për javë të tëra.

Të dëgjosh muzikë edhe në ujë deri në tre orë, dhe në tre metra thellësi? Mundesh, me lexuesin MP3 të Mediacom, me kufje 100% të papërshkueshme nga uji.

Për një emergjencë të batreisë është ushqyesi Leitz në formatin e kartës së kreditit. Mund ta mbash dhe në portofol me një indikator Led që tregon gjendjen e baterisë. Ai është në gjendje të ushqejë baterinë e një iPhone 5S deri në 50%.

Nëse pushimet ia keni dedikuar sportit dhe natyrës, vijnë Vector 2 dhe Vector 25 të Garmin, pedalet ‘smart’ që masin fuqinë gjatë pedalimit. Të dhënat e mbledhura mund të shkarkohen për të matur stërvitjen dhe për të rregulluar pedalimin.

Nëse pas një mbrëmjeje me miqtë keni frikë se e keni tepruar me alkoolin, smartphone mund të lidhet me etilometrin Floome. Ai lidhet me telefonin njësojs i USB apo ushqyesi, dhe mjafton t’i fryni gypit. Floom përdor të njëjtën teknologji si ajo e policisë.

Dhe e fundit, për të mbrojtur telefonin tuaj nga rëra apo uji kur jeni në plazh, vjen mbrojtja e Cellularline Voyager. Një pajisje transparente për prekjen e ekranit, nga ku mund të telefonosh pa e hequr mbrojtësen. Por ajo ka dhe xhepa për dokumente apo monedha.

Top Channel