iOS 9 ul shpejtësinë e telefonit iPhone deri në 40%

26/06/2015 00:00

Në fillim të këtij muaji, u përhap lajmi se iOS 9 mund t’ju japë një orë bateri më shumë, ndërsa me “Low Power Mode” jeta e baterisë tuaj mund të zgjatet për tre orë.

Megjithatë, zbulimet e fundit kanë treguar se në përpjekje për të zgjatur jetën e baterisë, Apple do të sakrifikojë shpejtësinë e celularit.

Sipas raportimeve të fundit, nëse keni aktivizuar “Low Power Mode”, shpejtësia e celularit tuaj do të ulet me 40 përqind.

Përpos kësaj, kur të keni të aktivizuar “Low Power Mode” do të ulet ndriçimi, nuk do të jeni në gjendje për të shkarkuar, si dhe nuk do të lejoheni të bëni disa veprime të tjera.

Për shpejtësinë nuk është thënë asgjë nga Apple, madje as në faqen e tyre në internet nuk ka asnjë të dhënë.

Top Channel