Qeveria e Kosovës heq dorë nga blerja e veturave, kompjuterëve, lap top-ëve, telefonave celularë dhe pajisjeve të tjera të ngjajshme.
Bëhet fjalë për 14 milionë e 500 mijë euro të cilat ministri i Financave Avdullah Hoti ka vendosur t’ua ndërrojë destinacionin.
Në mbledhjen e komisionit parlamentar të ekonomisë, ku është diskutuar buxheti i vitit 2015, Hoti tha se shuma prej 14.5 milionë euro do të shpërndahet për rritjen e buxhettit, për blerjen e barnave, për trajtim shëndetësor jashtë institucioneve publike dhe për pagesen e përvojës së punës me 0.5 për qind të pagës për çdo vit për të gjithë punonjësit e sektorit publik.
Ndërkohë, komisioni nuk miratoi amandamentin e propozuar nga AAK-ja për rritjen e pagave prej 25 për qind, ashtu siç kishte premtuar ish-kryeminsitri Hashim Thaçi.
Top Channel