HRW thirrje Kosovës për ngritjen e Gjykatës Speciale
16/12/2014 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
“Human Rights Watch” u bën thirrje institucioneve të Kosovës që të
miratojë menjëherë ndryshimet legjislative dhe kushtetuese të nevojshme
për Gjykatën Speciale që do të merret me krimet e pasluftës.
Në një raport të Human Rights Watch shkruhet se Kosova mbajti zgjedhjet parlamentare më 8 qershor 2014, por rezultati i ngushtë zgjedhor parandaloi formimin e një qeverie dhe parlamenti deri më 9 dhjetor.
Parlamenti i mëparshëm i Kosovës, në prill miratoi krijimin e Gjykatës Speciale për të gjykuar krimet serioze të kryera pas luftës (1998-1999), në Kosovë.
Miratimi i statusit të gjykatës dhe aprovimi i ndryshimeve ligjore dhe kushtetuese në mënyrë që aktakuzat mund të paraqiten dhe gjykimet mund të fillojnë i mbeti legjislativit të ri.
“Funksionalizimi i Gjykatës Speciale duhet të jetë një prioritet kryesor për parlamentin e ri të Kosovës”, citohet të ketë thënë Lotte Leicht, drejtor i Bashkimit Evropian në Human Rights Watch, duke shtuar se “vetëm një gjykatë speciale e pavarur dhe e besueshme me mbrojtje efektive të dëshmitarëve mund të adresojë pretendimet serioze të krimeve të tmerrshme të pas luftës”.
Në këtë raport, thuhet po ashtu se BE-ja dhe SHBA-të kanë theksuar vazhdimisht në publik rëndësinë e një procesi gjyqësor transparent dhe të besueshëm për të gjykuar.
Top Channel
