Jahjaga kërkon njohjen nga Armenia
24/09/2014 00:00
Vrasja e të resë brenda ambienteve të zyrave shtetërore, Ministri Sveçla: Do të zbardhet përgjegjësia e secilit zyrtar 13/04 07:38
Presidentja e Republikës së Kosovës, Atifete Jahjaga takoi Ministrin e
jashtëm të Armenisë, Eduard Nalbandyan me të cilin diskutuan për
konsolidimin ndërkombëtar të Kosovës dhe proceset e tjera nëpër të cilat
po kalon vendi, në përpjekje për të forcuar subjektivitetin shtetëror.
Presidentja Jahjaga e njoftoi Ministrin Nalbandyan me përparimin që e ka shënuar Republika e Kosovës në procesin e njohjes së pavarësisë së saj.
Jahjaga, bën të ditur Kosovapress, theksoi se njohja e shtetësisë së Kosovës është edhe njohje e vizionit të qytetarëve të saj për të ndërtuar një shtet faktor paqeje dhe stabiliteti në rajon dhe më gjerë, duke e inkurajuar Armeninë që të ndërmarrë një hap të tillë.
Ministri Nalbandyan vlerësoi të arriturat e Kosovës, në veçanti në procesin e dialogut ndërshtetëror për normalizimin e marrëdhënieve me Republikën e Serbisë, dhe shprehu gatishmërinë e qeverisë armene për të punuar me institucionet e Republikës së Kosovës për të avancuar proceset e saj integruese.
Top Channel
