Hyn në fuqi ligji antiterror
04/09/2014 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Nga sot hyjnë në fuqi ndryshimet në kodin penal pas problematikës së hasur muajt e fundit, ku u zbulua se gati 80 shtetas shqiptarë ndodhen në luftën e Sirisë.
Ligji i ri parashikon se nxitja, rekrutimi, organizimi, stërvitja dhe vënia në dispozicion apo mbështetja metariale e personave në çdo lloj forme dhe mënyre për të marrë pjesë në luftime në një shtet të huaj, dënohet me burgim nga 1 deri në 8 vite.
Shtesat në ligj shoqërohen me ndryshime edhe në kodin e procedurës penale, e cila i jep kompetenca Prokurorisë dhe Gjykatës së krimeve të rënda për t’i hetuar dhe gjykuar.
Hyrja në fuqi e këtyre ndryshimeve do të thotë që çdo shtetas shqiptar që ndodhet në luftë dhe që është identifikuar nga shteti shqiptar do të gjykohen sipas ligjit të ri, ashtu sikurse nëse do të konstatohen raste të shtetasve shqiptarë që do të tentojnë apo do të bëjnë thirrje për luftë në Siri.
Gjithashtu, që nga sot hyn në fuqi edhe ashpërsimi i kodit penal që parashikon se çdo person që do të kapet duke shitur karta telefonike, në mënyre të paautorizuar, rrezikon burgimin nga 30 ditë deri në gjashtë muaj.
Top Channel
