Bulqizë, incident në minierë, vdes 30-vjeçari
13/06/2014 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Një 30-vjeçar ka gjetur vdekjen si pasojë e shembjes së një masivi kromi në sektorin D të minierë së Bulqizës.
Viktima është identifikuar si 30-vjeçari Ramë Bici. Ai ka qenë duke punuar në një pjesë të sektorit D së bashku me disa minatorë të tjerë, kur një masiv kromi është shkëputur dhe e ka zënë poshtë duke i marrë jetën.
Menjëherë u mbyll pjesa e minierës ku ndodhi aksidenti, ndërkohë që policia pasi mbërriti në vendin e ngjarjes, shoqëroi disa persona për të zbardhur shkaqet e incidentit.
Sektori D në minierën e Bulqizës është më problematiku sa i përket aksidenteve të regjistruara dhe shkak për këtë është se ndër vite mungon investimi për përmirësimin e kushteve të sigurisë teknike në punë.
Top Channel
