Tiranë, aksident i rëndë, një i vdekur
20/12/2013 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Një aksident i rëndë me pasojë vdekje ka ndodhur në orët e para të ditës së premte në Tiranë.
Dy automjete, njëri me targa TR 0907 J dhe tjetri me targa të huaja, janë përplasur rreth orës 04:00 në Rrugën e Durrësit në afërsi të Ministrisë së Arsimit. Si pasojë e përplasjes një person ka gjetur vdekjen ndërsa një tjetër ka mbetur i plagosur.
I plagosuri është dërguar menjëherë për ndihmë mjekësore në spital, ndërkohë forcat e policisë mbërritën menjëherë në vendin e ngjarjes.
Për momentin identitetet e personave të përfshirë në aksident nuk bëhen të ditur. Sipas hetimeve paraprake, dyshohet se shkak i aksidentit ka qenë shpejtësia e madhe me të cilën po udhëtonin dy automjetet, duke përfituar nga mungesa e trafikut në këtë orë në rrugë.
Top Channel
