Dekretohet Shefi i ri i Shtabit
07/11/2013 00:00
“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Presidenti i Republikës, Bujar Nishani, ka dekretuar të enjten në
detyrën e Shefit të Shtabit të Përgjithshëm të Forcave të Armatosura,
Gjeneral Major Jeronim Bazo.
Propozimi për Bazon është bërë nga Kryeministri dhe ai zëvendëson gjeneral Xhemal Gjunkshi, i cili dha dorëheqjen javën e kaluar.
“Në përmbushje të detyrimit kushtetues, Presidenti Nishani, me propozim të Kryeministrit, dekretoi emërimin e Gjeneral Major Jeronim Bazo, në detyrën e Shefit të Shtabit të Përgjithshëm të Forcave të Armatosura të Republikës së Shqipërisë”, thuhet zyrtarisht nga Presidenca.
Gjeneral Brigade Jeronim Bazo lindi në Tiranë, në maj 1960. Ai ka mbaruar studimet universitare në Akademinë Ushtarake “Skënderbej” në Tiranë në vitin 1985 dhe u titullua oficer aktiv në Forcat e Armatosura të Republikës së Shqipërisë. Vitet e para të karrierës ushtarake shërbeu në njësitë e këmbësorisë si komandant toge, kompanie dhe zëvendëskomandant batalioni. Gjeneral Brigade Bazo ka shërbyer në Ministrinë e Mbrojtjes dhe Shtabin e Përgjithshëm të FA-ve në periudhën 1993-1995 si Shef Sektori në Drejtorinë e Personelit.
Në vitin 1996 u diplomua nga Qendra Evropiane për Studime të Sigurisë “George C Marshall” për Studime të Sigurisë dhe Ekonomisë së Mbrojtjes. Nga 1997-2000, Gjeneral Brigade Bazo pasi shërbeu si oficer koordinator me NATO-n, komandoi Akademinë e Nënoficerëve deri më 2003-in dhe më pas u emërua Komandanti i Akademisë Ushtarake “Skënderbej”, ku drejtoi punën dhe përpjekjet për transformimin e kësaj akademie në një Universitet Ushtarak dhe shërbeu si komandant i parë i UUS-së deri në Qershor 2005.
Në 2007-ën udhëhoqi punën për planifikimin dhe zhvillimin për herë të parë të Kursit të Lartë për Studime për Sigurinë dhe Mbrojtjen. Zhvillimi i këtij kursi me pjesëmarrje ndërkombëtare ishte një ndër elementet mbështetës në përpjekjet e Shqipërisë për tu bërë një vend anëtar i NATO-s, në vitin 2009.
Gjatë periudhës 2010-2012 drejtoi Drejtorinë e Planifikimit të Mbrojtjes në SHP të FA-ve, në një periudhë e rëndësishme për Shqipërinë si një anëtare e re e NATO-s. Nën drejtimin e tij Drejtoria e Planifikimit të Mbrojtjes realizoi me sukses një numër detyrash të rëndësishme, që ishin elemente të rëndësishëm për integrimin e plotë të Shqipërisë në NATO, si Implementimi i Strukturës së Re të FA-ve, Konferencat e Integrimit të FA-ve, Konferencat e Transformimit dhe Takimet e Komitetit Ushtarak të NATO-s. Gjeneral Brigade Bazo shërbeu në këtë pozicion deri në gusht 2012, kohë në të cilën u emërua Këshilltar Ushtarak i Presidentit të Republikës Bujar Nishani.
Top Channel
