Rasti i gruas shtatzënë

Mjeku ka sqaruar se pacientja kishte anashkaluar disa ekzaminime pasi ajo kishte shkëputur kontaktet me të për rreth 20 ditë dhe më pas ajo është rikthyer me pretendimin se nuk e ndjente fëmijën të lëvizë prej 3-ditësh.

Mjeku ka sqaruar se ai u ka komunikuar ciftit lajmin e vdekjes së fëmijës dhe më tej ai është kujdesur për pacienten e tij, ndërsa ajo është larguar në Selanik me vullnetin e saj.

“Kam besim tek drejtësia. Unë jam i qetë në ndërgjegjjen time për këtë që ka ndodhur. Mbaj përgjegjësi për cdo fjalë që them. Kam bërë detyrën time si mjek dhe jam i sigurtë për këtë”, është shprehur jashtë kamerave mjeku.

Por pas deklaratave të tij ka ardhur edhe reagimi i familjarëve të pacientes. Bashkëshorti i saj, Nertil Koçibelli ka deklaruar se ata kanë ngritur një denoncim ndaj mjekut për atë cka i ka ndodhur fëmijës.

Ata pretendojnë se pacientja shtatzënë nuk është trajtuar nga mjeku. Ajo i ka thënë mjekut në kohë se nuk e ndjente fëmijën të lëvizë, por ai ia ka justifikuar këtë me dicka që ndodh në muajin e 9 të shtatzanisë.

Pasi u ka komunikuar lajmin e vdekjes së fetusit mësohet se mjeku i ka kërkuar ciftit që të qetësohen dhe të rikthehen për ta hequr atë prej barkut të nënës, por kur kanë komunikuar me babain e 28-vjecarit ngjarja ka marrë një tjetër rrjedhë duke arritur deri në konfrontimin fizik.

Top Channel