Bashkëpunimi ushtarak rajonal
03/10/2013 00:00
“Kishte probleme teknike”/ Anulimi i provimit pas dyshimeve për parregullsi, reagon Drejtori i Shkollës së Magjistraturës: Procesi është i drejtë
25/04 15:15
Ministrja e Mbrojtjes znj. Mimi Kodheli mori pjesë në Ministerialin e
Mbrojtjes SHBA – Kartë e Adriatikut që u mbajt në Slloveni.
Ministrat e Mbrojtjes të vendeve pjesëmarrëse në këtë Ministerial konfirmuan edhe njëherë rëndësinë e procesit të integrimit Euro-Atlantik për forcimin e stabilitetit dhe sigurisë në vendet e Evropës Juglindore.
Në takim iu kushtua një rëndësi e veçantë rolit të Shqipërisë, Kroacisë dhe SHBA, si vende anëtare të NATO, në mbështetjen që po i japin vendeve të tjera pjesëmarrëse në këtë iniciativë në procesin e integrimit në NATO apo struktura të tjera rajonale.
Ministrja e Mbrojtjes e Shqipërisë znj. Mimi Kodheli, u shpreh se Shqipëria është e angazhuar në Afganistan dhe do të vazhdojë të kontribuojë, duke bashkëpunuar ngushtë me vendet e tjera për të mbështetur qeverinë afgane në forcimin e sigurisë dhe rimëkëmbjen e institucioneve.
Shqipëria në vitin 2014 do të marrë Presidencën e radhës të Iniciativës së SHBA-Karta e Adriatikut (A 5). Kjo është hera e parë që Presidenca merret për një periudhë 1 vjeçare, pasi deri më tani ndahej ndërmjet shteteve çdo 6 muaj.
Top Channel
